ຫາລືການຄຸ້ມຄອງ ແລະ ພັດທະນາຕົວເມືອງໃຫ້ມີປະສິດທິຜົນສູງ

Posted: Category: Latest News on Land and NR Date: June 9, 2014 0 Comments

962014

ວັນທີ 04 ມິຖຸນາ 2014 – ເວລາ 09:20:17

ວັນ​ທີ 3 ມິຖຸນາ 2014 ທີ່​ຫ້ອງ​ວ່າການ​ນະຄອນຫຼວງ​ວຽງ​ຈັນ ໄດ້​ຈັດ​ກອງ​ປະຊຸມ​ຄະນະ​ຊີ້​ນຳ​ໂຄງການ​ຄຸ້ມ​ຄອງການ​ພັດທະນາ​ຕົວ​ເມືອງ ການ​ຄວບ​ຄຸມການ​ນຳ​ໃຊ້​ທີ່​ດິນ ແລະທິວ​ທັດ​ຕົວ​ເມືອງ ໂດຍ​ເປັນ​ປະທານ​ຮ່ວມ​ຂອງ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ແລະທ່ານ Koichi Takei ຫົວໜ້າ​ຜູ້ຕາງໜ້າ​ອົງການ​ໄຈ​ກາ ໂດຍ​ມີ​ບັນດາ​ທ່ານ​ຫົວໜ້າ​ພະແນກການ​ອ້ອມ​ຂ້າງ ແລະພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານ ແກ້ວ​ພິລາ​ວັນ ອາ​ໄພ​ລາດ ໄດ້​ກ່າວ​ວ່າ: ໂຄງການ​ພັດທະນາ​ດ້ານ​ຜັງເມືອງ​ຢູ່​ໃນ ນວ ໃນ​ປີ 2012 ໄດ້​ມີ​ຄວາມ​ສຳເລັດ ຈາກ​ການ​ສະໜັບສະໜູນ​ຂອງ​ອົງການ​ໄຈ​ກາ ໃນ​ເນື້ອ​ໃນ​ຂອງ​ແຜນຜັງ​ນີ້ ໄດ້​ຖືກ​ຮັບຮອງ​ຈາກ​ຄະນະ​ລັດຖະບານ ປະກອບ​ດ້ວຍ​ແຜນການ​ຄຸ້ມ​ຄອງ​ການ​ພັດທະນາ​ຕົວ​ເມືອງ ແຜນ​ພັດທະນາ​ດ້ານ​ໂຄງ​ລ່າງ​ຕົວ​ເມືອງ ແຜນການ​ຟື້ນ​ຟູ ແລະ ເຂດ​ອະນຸ​ຮັກ​ເມືອງເກົ່າ ພ້ອມ​ດ້ວຍ​ແຜນການ​ພັດທະນາ​ເຂດ​ຕັ້ງ​ໃໝ່ ແລະໃຈກາງ​ອ້ອມ​ຮອບ ນວ ເພື່ອ​ເຮັດ​ໃຫ້​ບັນດາ​ເນື້ອ​ໃນ​ທີ່​ໄດ້​ຖືກ​ຮັບຮອງ ໄດ້​ຮັບ​ການ​ພັດທະນາ ຈຳເປັນ​ຕ້ອງ​ໄດ້​ມີ​ການ​ຄຸ້ມ​ຄອງ​ໃນ​ການ​ພັດທະນາ ຈຶ່ງ​ໄດ້​ເກີດ​ມີ​ໂຄງການ​ຄຸ້ມ​ຄອງ​ການ​ພັດທະນາ​ຕົວ​ເມືອງ ການ​ຄວບ​ຄຸມ​ການ​ນຳ​ໃຊ້​ທີ່​ດິນ ແລະ ທິວ​ທັດ​ຕົວ​ເມືອງ​ຂຶ້ນ ເຊິ່ງ​ປະກອບ​ມີ 3 ເນື້ອ​ໃນ​ຄື: ການ​ນຳ​ໃຊ້​ທີ່​ດິນ ກົດ​ລະບຽບ​ການ​ນຳ​ໃຊ້​ທີ່​ດິນ ລະບຽບ​ໃນ​ການ​ຄຸ້ມ​ຄອງ​ທິວ​ທັດ​ຕົວ​ເມືອງ.

ໂຄງການ​ດັ່ງກ່າວ ໄດ້​ເລີ່ມ​ໃນ​ປີ 2013 ແລະຄາດ​ວ່າ​ຈະ​ສຳເລັດ​ໃນ​ຕົ້ນ​ປີ 2016 ມາ​ຮອດ​ປັດຈຸບັນ ໄດ້​ຈັດ​ຕັ້ງ​ມາ​ໄດ້ 1 ປີ​ເຄິ່ງ ໂດຍ​ໄດ້​ຈັດ​ກອງ​ປະຊຸມ​ຄັ້ງ​ທີ I ຜ່ານ​ມາ. ສະນັ້ນ, ໃນ​ກອງ​ປະຊຸມ​ຄັ້ງ​ນີ້​ ເປັນ​ຄັ້ງ​ທີ II ໄດ້​ສະເໜີ​ໃຫ້​ຄະນະ​ຊີ້​ນຳ​ໂຄງການ ລວມ​ທັງ​ຜູ້​ສຶກ​ສາ​ໂຄງການ ໄດ້​ສະເໜີ​ຄວາມ​ຄືບ​ໜ້າ​ຂອງ​ໂຄງການ ຢຶນ​ຢັນ​ກ່ຽວ​ກັບ​ຜົນ​ໄດ້​ຮັບ​ຂອງ​ໂຄງການ ແລະປຶກສາ​ຫາລື​ກ່ຽວ​ກັບ​ວຽກ​ງານ​ການ​ປະຕິບັດ​ໃນຕໍ່ໜ້າ ກ່ຽວ​ກັບ​ແຜນຜັງ​ການ​ນຳ​ໃຊ້​ທີ່​ດິນ ລະບຽບ​ຄຸ້ມ​ຄອງ​ການ​ນຳ​ໃຊ້​ທີ່​ດິນ​ລະອຽດ​ຢູ່​ເຂດ​ເປົ້າ​ໝາຍ ການ​ລົງ​ສຳ​ຫຼວດ​ກ່ຽວ​ກັບ​ທິວ​ທັດ​ຕົວ​ເມືອງ ເຊິ່ງ​ຄະນະ​ກຳມະການ​ໄດ້​ສຸມ​ໃສ່​ປະກອບ​ຄຳ​ຄິດ​ຄຳ​ເຫັນ ເພື່ອ​ໃຫ້​ໂຄງການ​ໄດ້​ຮັບ​ຜົນ​ທີ່ແທ້​ຈິງ ແລະຮັບປະກັນ​ແຜນ​ພັດທະນາ​ໃຫ້​ມີ​ຄວາມ​ເໝາະ​ສົມ ແລະກາຍ ເປັນ​ເຄື່ອງມື​ໃນ​ການ​ຄຸ້ມ​ຄອງ ໃນ​ການ​ພັດທະນາ​ຕົວ​ເມືອງ​ໃນ​ອະນາຄົດ ໃຫ້​ມີ​ປະ​ສິດທິ​ຜົນ​ສູງ.

Source: vientianemai.net/teen/khao/1/11943

No related links found

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>