6 ປີ ນວ ອະນຸມັດໃຫ້ພາກເອກະຊົນສຳ ປະທານທີ່ດິນແລ້ວ 25 ໂຄງການ

Posted: Category: Latest News on Land and NR Date: June 19, 2014 0 Comments

ໜັງສືພິມເສດຖະກິດ-ສັງຄົມ, ວັນທີ 17/06/2014

ນັບ​ແຕ່​ປີ 2008 ຈົນ​ເຖິງ​ປະ­ຈຸ​ບັນ (1/2014)ນະ ຄອນ​ຫຼວງ​ວຽງ​ຈັນ​ໄດ້​ອະ­ນຸ­ຍາດ​ໃຫ້​ພາກ​ເອ­ກະຊົນ​ພາຍ​ໃນ ແລະ ຕ່າງ­ປະ­ເທດ​ສຳ​ປະທານ​ທີ່​ດິນ​ແລ້ວ​ຈຳ­ນວນທັງ​ໝົດ 25 ໂຄງ­ການ ລວມ​ເປັນ​ມູນ​ຄ່າ 1,66 ຕື້​ໂດ​ລາ ຫຼື ເທົ່າ ກັບ 13,28 ພັນ​ຕື້​ກວ່າ​ກີບ.

ອີງ​ຕາມ​ຂໍ້​ມູນ​ຂອງ​ພະ​ແນກ​ແຜນ­ການ ແລະ ການ​ລົງ­ທຶນນະ­ຄອນ­ຫຼວງ​ວຽງ​ຈັນ ໃຫ້​ຮູ້​ວ່າ: ຜ່ານ​ການ­ຈັດ­ຕັ້ງ​ປະ­ຕິ­ບັດ​ຕາມກົດ­ໝາຍ​ວ່າ​ດ້ວຍ​ການ​ສົ່ງ­ເສີມ​ການ​ລົງ­ທຶນ ແລະ ດຳ­ລັດ ວ່າດ້ວຍ​ການ­ຈັດ­ຕັ້ງ​ປະ­ຕິ­ບັດ​ກົດ­ໝາຍ​ວ່າ​ດ້ວຍ​ການ​ສົ່ງ­ເສີມ​ການລົງ­ທຶນ ຊຶ່ງ​ໄດ້​ເລີ່ມ​ນຳ​ໃຊ້​ໃນ​ປີ 2010 ໂດຍ​ສ່ວນ​ໃຫຍ່​ແລ້ວແມ່ນ​ສຸມ​ໃສ່​ຂະ­ແໜງ​ທີ່​ຄຸ້ມ​ຄອງ​ການ​ລົງ­ທຶນ​ທັງ​ພາຍ​ໃນ ແລະ ຕ່າງ­ປະ­ເທດ​ໃນ​ຂະ­ແໜງ​ແຜນ­ການ ແລະ ການ​ລົງ­ທຶນ, ອຸດ​ສາຫະ​ກຳ ແລະ ການ​ຄ້າ, ເຂດ​ເສດ­ຖະ­ກິດ​ພິ­ເສດ ແລະ ເຂດ​ເສດ​ຖະ ກິດ​ສະ­ເພາະ.

ນັບ​ແຕ່​ປີ 2008 ຈົນ​ເຖິງ​ປະ­ຈຸ​ບັນ (1/2014) ພະ​ແນກແຜນ­ການ ແລະ ການ​ລົງ­ທຶນ​ນະ­ຄອນ­ຫຼວງ​ວຽງ​ຈັນ ໃນ​ນາມຕາງ­ໜ້າ​ໃຫ້​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ໄດ້​ເຊັນ​ສັນຍາ​ອະ­ນຸ­ມັດ​ໃຫ້​ພາກ​ເອ­ກະ​ຊົນ​ພາຍ​ໃນ ແລະ ຕ່າງ­ປະ­ເທດ​ສຳ​ປະ ທານ​ທີ່​ດິນ​ຈຳ­ນວນ​ທັງ​ໝົດ 25 ໂຄງ­ການ ລວມ​ເປັນ​ມູນ​ຄ່າ 1,66 ຕື້​ໂດ​ລາ ຫຼື ປະ­ມານ 1.334 ຕື້​ກີບ (ອັດ­ຕາ​ແລກ­ປ່ຽນ​ໃນ ປະ­ຈຸ​ບັນ 1 ໂດ​ລາ ເທົ່າ​ກັບ 8.000 ກີບ), ນອກ​ນັ້ນ ກໍ​ຍັງໄດ້​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ (MOU) ເພື່ອ​ສຶກ​ສາ ແລະ ເກັບ​ກຳ​ຂໍ້​ມູນ​ກ່ຽວ​ກັບ​ການ​ລົງ­ທຶນ​ຈຳ­ນວນ 12 ໂຄງ­ການ ແລະ ໂຄງ­ການ​ທີ່­ຢູ່​ໃນ​ໄລ­ຍະ​ເຈລະ­ຈາ ເພື່ອ​ເຊັນ​ສັນ­ຍາ​ສຳ​ປະ­ທານ​ທີ່ ດິນ​ອີກ 3 ໂຄງ­ການ.

ນອກ­ຈາກ​ນັ້ນ ກໍ​ຍັງ​ມີ​ບັນ­ດາ​ກິດ­ຈະ­ການ​ລົງ­ທຶນ​ທົ່ວ​ໄປ​ທີ່ພະ​ແນກ​ແຜນ­ການ ແລະ ການ​ລົງ­ທຶນ​ໄດ້​ເກັບ​ກຳ​ການ​ລົງ­ທຶນຈາກ​ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ໃນ​ສົກ​ປີ 2011Œ 2012 ແລະ 2012Œ2013 ກະ­ຊວງ​ອຸດ­ສາ­ຫະ­ກຳ ແລະ ການ​ຄ້າ ແລະ ພະ​ແນກ​ອຸດ­ສາຫະ­ກຳ ແລະ ການ​ຄ້າ​ນະ­ຄອນຫຼວງ​ວຽງ​ຈັນ ໄດ້​ອອກ​ໃບ​ທະ­ບຽນ​ວິ​ສາ​ຫະ​ກິດ​ໃຫ້​ວິ​ສາ​ຫະ​ກິດ ທັງ​ພາຍ​ໃນ ແລະ ຕ່າງ­ປະ­ເທດ ລວມ​ທັງ​ໝົດ 5.694 ບໍ­ລິ­ສັດ ມີ​ມູນ​ຄ່າ​ການ​ຈົດ​ທະ­ບຽນ 127,31 ຕື້​ໂດ​ລາ ຫຼື ປະ­ມານ 101,84 ພັນ​ຕື້​ກວ່າ​ກີບ.

ຕາມ​ຂໍ້​ມູນ​ຍັງ​ໃຫ້​ຮູ້​ອີ​ກວ່າ: ສຳ­ລັບ​ການ​ລົງ­ທຶນ​ຂອງ​ພາກ​ເອກະ​ຊົນ​ພາຍ​ໃນ ແລະ ຕ່າງ­ປະ­ເທດ​ທີ່​ສຸມ​ໃສ່​ກິດ­ຈະ­ການ​ສຳ​ປະທານ​ຫຼັກໆ​ແລ້ວ​ແມ່ນ​ເນັ້ນ​ໃສ່​ການ​ລົງ­ທຶນ​ດ້ານ​ອະ​ສັງ​ຫາ​ລິມະ​ຊັບ, ສູນ​ການ​ຄ້າ​ທັນ​ສະ­ໄໝ, ການ​ສ້າງ​ຕົວ​ເມືອງ​ໃໝ່​ທີ່​ມີສິ່ງ​ອຳ­ນວຍ​ຄວາມ​ສະ­ດວກ​ຄົບ​ຖ້ວນ ແລະ ອື່ນໆ, ສ່ວນ​ການ​ລົງທຶນ​ໃນ​ກິດ­ຈະ­ການ​ທົ່ວ​ໄປ​ແມ່ນ​ສຸມ​ໃສ່​ອຸດ­ສາ­ຫະ­ກຳ​ບໍ່​ແຮ່ ແລະ ການ​ຂຸດ​ຄົ້ນ, ການ​ກໍ່­ສ້າງ, ການ​ຕິດ­ຕໍ່​ສື່­ສານ ແລະ ການ​ສະໜອງ​ໄຟ­ຟ້າ.

No related links found

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>